Nächtlicher Generationendialog zur Mondfinsternis
Beßvader, de Maone!

„Beßvader, de Maone

Samstag, 03.10.2015, 06:10 Uhr

Totale Mondfinsternis – beobachtet vom münsterischen Aasee aus.
Totale Mondfinsternis – beobachtet vom münsterischen Aasee aus. Foto: Sophia Demming

is dicker äs süs!

Beßvader, viël dicker!

Weeß, wat ik gärn wüs:

Krig se nu en Kind?“

„Nä, dat dööt de Wind.

De bläös in de Höchte

viël wööster äs hier.

Dat gif sik wul wier.

Nu plaog nich dien Köpken!

Du mos slaopen, mien Ströpken.“

„Beßvader, de Maone!

Nu kiek doch äs gau

düör’t Fenster, Beßvader,

un säg: Draf dat? Jau?

Dao feihlt jä en Stük!“

„Dat blif nich, tom Glük.

Dat ännert sik wanners.

Si du män nich bang’!

Et duërt nich lang’

mähr, blaots no en biëtken.

Slaop nu wieder, mien Hiärtken!“

„Beßvader, de Maone!

Raud is se, äs Gloot,

Gloot in usen Uoben,

raud bolle wu Blood!

Wat is dan passeerd?“

„Is’t Küërn nich wärd

un swaor to verkläören,

is Astronomie

un bolle vüörbi.

Nu holl män dien Snüütken!

Wier nao Bedde, mien Drüüdgen!“

Beßvader, de Maone!

Wat is se so raud?

Mot se sik afquiälen?

Sal se gar in Naud

of dul up wel sien?“

„Nu slaop du män fien!

Hät nix to bedüden.

Dat is eenfak so.

Maak hännig wier to

de Aigskes, mien Schätken,

draim no’n lük van us’ Kätken!“

„Beßvader, de Maone!

Wu Kuoper de Klöör!

Is dat nich gefäöhrlik?

Wat geiht dan dao vüör?

Of’t Krieg bolle gif?“

„Wat’t Blädgen blaots schrif!

Dat mährste is luogen.

Et gif doch kien’n Krieg!

Glaif nich so’n dum Tüüg!

Nu swieg män, mien Tüöwken,

un kruup trüg in dien Küörfken!“

is use Trabant,

löp rund üm de Ärde.

Dat is doch bekand.

Is di dat no nie?

In School’ konnen wi

iärst gistern viël häören

in Mathematik

van Astrophysik.

Ik wul di blaots öwen

un di auk en lük pröwen.

Wörde

de Maone (weiblich) – der Mond; bolle – bald; Drüüdgen – klein Gertrud; dul – böse; Schätken – Schätzchen; Kuoper – Kupfer; Klöör – Farbe; Blädgen – Zeitung; Tüöwken – Kindchen; öwen – foppen; pröwen – prüfen; siëm – sieben; smaiken – rauchen

...

De Maone, Beßvader,

krig jüst nich viël Lecht,

krig blaots lange Wellen.

Dat Raud is nich echt,

dat süht blaots so uut.

Nu holl ’k miene Snuut,

gaoh gau wier nao Bedde.

Klok siëm is’t so wied.

’k mot ruut. Du häs Tied.

Liäs di no en Märken,

smaik daobi en Sigäärken!“

Hannes Demming

Anzeige
http://event.yoochoose.net/news/705/consume/10/2/3545546?categorypath=%2F2%2F84%2F61%2F198%2F57671%2F
Mühlenhof-Chefin schon wieder weg
Alwine Glanz (34) geht als Museumsdirektorin.
Nachrichten-Ticker