Schon vergessen? Dein Fernseher lügt!
Viël Geschrei un weinig Wulle!

Dat verliëdenen Daudensunndagg unner de 12 Millionen Tatort–Tokiekers in Düütskland en helen Haupen uut Mönster un Ümgiëgend was, draff m’ anniëhmen, un dat daovan de mährsten wull nich tofriär wäören met dat Beld, wat in de ARD–Produktion „Das Wunder von Wohlbeck“ van Mönster respektive van en Duorp in de Naichde tekent wuor, läött sick erkennen an de Kommentare un Brewe, de et in de Presse gaff, un an de Diskussionen, de m’ in de Wärtschop, unner Kollegen, jau sogar mangs up de Straote metkriegen konn.

Freitag, 30.11.2012, 16:11 Uhr

Schon vergessen? Dein Fernseher lügt! : Viël Geschrei un weinig Wulle!
Tatort: Das Wunder von Wolbeck mit Jan Josel Liefers als Rechtsmediziner Prof. Boerne Foto: WDR/Wolfgang Ennenbach

Ick fraog mi apatt af, wuso de Mönstersken düssen Striepen nich lieden mochen un kann mi denken, dat se em äs Mogelpackung ästimeert häbt nao dat Motto: Wao Mönster drup steiht, mott auk Mönster drin sien. Vlicht is et jä so, dat för viële aohne dat Prinzipalmarkt , den Lambertikiärktaorn, den Dom, dat Slott etc. en „ Tatort “ kien „Mönster–Tatort“ wärd? Kammen also de Plass un de Mensken eenfack to kuort orre gar nich gued wegg?

Sind de Mönsterlänners düör de Bank ümmer Knubbentypen nao den aollen Sprüek „Wao Isen ligg un Eken wasst, dao wasst auk Lüü, de daobi passt“, orre giff’t auk halfsiedene daotüsken? Natürlick söll m’ nich vergiätten: So ’n Krimi is kien Naturfilm of ’ne Dokumentation; nä, de Geschichte is frie erfunnen. Aower vlicht hät de Produktionsfirma düttmaol dat Sparen bi Mensken un Material auk so üöwerdriëwen, dat de Quote dat naichste Maol düütlick afsackt; dao küennt dann auk Prahl un Liefers nich helpen.

Wörde

verliëden = vergangen;

ästimeren = einschätzen;

Isen = Eisen;

Uott = Dreck, Mist;

Verdosel = Irrtum;

niepen = genau

...

Niäbenbi: Üöwer de Qualität van dat Dreihbook läött sick nich viël strieden: De was häöchstens suboptimal. Wi söllen apatt de Sake nich toviël Ähre andoon. Mien Tipp: Uott eenfack afschalten un an den Sender schriewen, waorüm! Dat treck drbi. Un no wat: Ick häff den sachten Verdacht: Dat „h“ in „Wohlbeck“ was gar kien Verdosel, sunnern Afsicht, üm hernocher to säggen: „Ji Wulbiëksken wäören jä gar nich mennt. Kiekt doch äs niepen hen! Of schriewt ji ju met „h“? Raffineert, wat?

Anzeige
http://event.yoochoose.net/news/705/consume/10/2/1311906?categorypath=%2F2%2F84%2F61%2F198%2F57671%2F
Nachrichten-Ticker